البوست دة مالوش دعوة خالص بالقصة بس عجبني الشعر اوي و حبيت انقلهولكم هنا مع انة سياسي و بيختلف خالص عن جو المدونة بس انا بة اوي و حبيت اجيبة هنا. يا رب يعجبكم.
قصيدة 'يا شعبي' ... شعر محمد حسني مبارك
ياشعبي حبيبي
ياروحي يابيبي
ياحاطك في جيبي
يابن الحلال
ياشعبي ياشاطر
ياجابر خواطر
ياساكن مقابر
وصابر وعال
ياواكل سمومك
يابايع هدومك
ياحامل همومك
وشايل جبال
ياشعبي اللي نايم
وسارح وهايم
وفي الفقر عايم
وحاله ده حال
احبك محشش
مفرفش مطنش
ودايخ مدروخ
واخر انسطال
احبك مكبر دماغك
مخدر ممشي امورك كده باتكال
واحب اللي ينصب
واحب اللي يكدب
واحب اللي ينهب
ويسرق تلال
واحب اللي شايف
وعارف وخايف
وبالع لسانه
وكاتم ماقال
واحب اللي قافل عيونه
المغفل
واحب البهايم
واحب البغال
واحب اللي راضي
واحب اللي فاضي
واحب اللي عايز يربي العيال
واحب اللي يائس
واحب اللي بائس
واحب اللي محبط وشايف محال
واحبك تسافر
وتبعد تهاجر
وتبعت فلوسك دولار او ريال
واحبك تطبل
تهلل تهبل
عشان مطش كوره
وفيلم ومقال
واحبك تأيد
تعضض
تمجد
توافق
تنافق
وتلحس نعال
تحضر نشادر
تجمع كوادر
تلمع تقمع
تظبط مجال
لكن لو تفكر
تخطط
تقرر
تشغل مخك
وتفتح جدال
وتبدأ تشاكل
وتعمل مشاكل
وتنكش مسائل
وتسأل سؤال
وعايز تنور
وعايز تطور
وتعملي روحك مفرد رجال
ساعتها حجيبك
لايمكن اسيبك
وراح تبقى عبره وتصبح مثال
حبهدل جنابك
وأذل اللي جابك
وحيكون عذابك ده فوق الاحتمال
وامرمط سعادتك
واهزأ سيادتك
واخلي كرامتك في حالة هزال
وتلبس قضية
وتصبح رزية
وباقي حياتك تعيش في انعزال
حتقبل ححبك
حترفض حلبك
حتطلع
حتنزل
حجيبلك جمااااال!!!!!!
هناك تعليقان (2):
بجد بجد
تحفة
والله دمك زى الشربات
انا مش قريتها قبل كده ومش عارفة انتى اللى كاتباها ولا عجبتك فجيبتيها بس ظريفة ومعبرة للغاية عن الوضع اللى احنا فيه
تقبلى تعليقى ومرورى واعجابى بدماغ حضرتك - الولد يوسف ابنى برج العزاء زى سيادتك - وشكله هيطلع دماغ برده زى سيادتك - ادعيلى ربنا يقوينى
بالتوفيق دايما يارب
تحياتى
هبة
لأ بصراحة هي انا لقيتها موجودة بس كانت اقصر من كدة فزودت عليها شوية و ميرسيييييييييييي علي مرورك و تقبلي تحياتي انتي و يوسف ربنا يخليهولك
إرسال تعليق